Ostiral Santuko prozesio ederra ikusi zen Seguran

Nazareno, penitente eta soldadu erromatarrek osatu dute erlijio desfilea, 350 herritarren partaidetzarekin.

Ostegunean ederra izan bazen prozesioa, ostiralekoa ere bikain atera zen eta emozioz beteriko uneak izan ziren beste urte batez desfileak iraun zuen bitartean. Txistulari eta koruaren musikari, Legazpiko Bandaren doinuak gehitu zitzaizkion ostiralean.

Pauso bizidunen artean, San Migel izan zen protagonista bereziak ostiralean, sepulkroaren pausoari jarraituaz.

Aurtengoan Oier Albisuk jantzi duen goiaingerua bere ohizko pausuak eginez ibili zen kaleetan, aingerutxoak inguruan zituela.

Atzo gaueko Larunbat Santuko elizkizunaren ondoren, gaur emango zaie amaiera aurtengo Aste Santuko ekitaldiei, Pazko Eguneko mezarekin. Komentuan izango da elizkizuna, 11:00etan.