Tolosa Goierri

Ormaiztegiko Euskaraldiko hamaikakoa prest da jada

Herriko Euskaraldia Batzordea martxan da aurtengo edizioaren prestaketa-lanetan, eta aurkeztu du herriko hamaikakoa, ekimenaren irudia izango den herritarren taldea. Aurkezpena gizarte etxeko atzeko zelaian egin zuten, eta bertan nabarmendu zuten Euskaraldiak herri mailan duen garrantzia eta helburua: egunerokoan euskararen erabilera handitzea eta hiz-kuntza ohiturak aldatzea.

Euskaraldia maiatzaren 15etik 25era bitartean ospatuko da, eta edizio honetan ere ahobizi eta belarriprest rolak izango dira ardatz. Ormaiztegiko hamaikakoa osa-tzen dutenek herriko aurpegi ezagunak dira, eta norbere esparrutik ekimena zabaltzeko konpromezua hartu dute. Hauek dira aurtengo hamaikakoa osatzen dutenak: Lur Zufiria, Kepa Isasmendi, Bilal Dhaili, Aitzol Kallejo, Iñaki Rezusta, Arantzazu Zabaleta, Iñaki Leturia, Oihane Murua, Edurne Blanco, Kepa Jaka, Mila Repiso eta Asun Mendizabal dira.

Euskaraldian parte hartu nahi dutenek herritarrek izena emateko aukera zabalik dute jada, eta horretarako euskaraldia.eus webgunera sartu eta bertako inkesta bete beharko da.