Ordizia

Txindoki krosa jokatuko da bihar goiz osoan zehar Oiangun

Txindoki Atletismo taldeak antolatuta, Txindoki krosa jokatuko da bihar goizeko 09:15etik aurrera Oiangun. Mailaz mailan arituko dira parte-hartzaileak eta Euskadiko txapelak bertan banatuko dira.

16 urtez azpikoekin hasiko da lehia, 09:15ean neskak eta 09:30ean mutilak; 18 urtez azpikoak izango dira gero, 09:45ean neskak eta 10:05ean mutilak; 20 urte azpiko neskak 10:25ean hasiko dira eta mutilak 10:50ean; 11:15ean, lasterketa mistoa burutuko da. Errelebo lasterketa izango da, talde bakoitzean bina mutil eta neska ariko dira txandaka.

Helduen txanda goizeko 11:25ean izango da neskekin eta 12:05ean mutilekin. Infantil (12:45ean) alebin (13:05ean, ) eta benjaminek (13:15ean) itxiko dute saioa.