Ordizia

Derbi Eguna antolatu du Emaneurrek maiatzarerako

Datorren igandean, maiatzaren 4ean, Realaren eta Athletic-en arteko denboraldiko bigarren derbia jokatuko dute, eta Emaneurre errealzaleen taldeak Derbi Eguna antolatu du aurtengoan ere.

Ohi bezala, eguerdian triki-potearekin hasiko dute eguna, Amonane tabernatik abiatuta. Zaletuen poteoa eguerdiko 13:00etan abiatuko da eta arratsaldeko 14:30ean amaituko da Olanon egingo duten bazkari-luntxarekin.

Donostiara joateko autobusa arratsaldeko 17:00etan aterako da Ordiziatik. Itzulerako autobusa, berriz, gaueko 23:00etan aterako da Anoeta futbol zelai ingurutik.

Derbi Egunean parte hartu nahi dutenek, aurrez izena eman beharko dute 605 704 766 telefonoan. Autobusaren eta luntxaren prezioa 20 eurokoa izango da bazkideen-tzat eta 25 euro bazkide ez direnentzat.