Ordizia

Dantza emanaldi bereziarekin ospatuko du Amets Bidek 60. urteurrena bihar

Sei hamarkada bete ditu Amets Bide Dantza taldeak eta emanaldi berezi batekin ospatuko dute urteurrena bihar, Plaza Nagusian. Adin ezberdinetako ikasleek parte hartuko dute 'Iraganetik etorkizunera' izenburuko ikuskizunean, txikietatik helduetaraino.

Emanaldiak azken 60 urte hauetan dantzak orokorrean eta taldeak zehazki izan duten garapena irudikatuko dute. Euskal dantza tradizionalak zein garaikideak eskainiko dituzte, baita plaza dantzak, ballet-a, eta abar.

Gainera, dantzariekin batera Urrup Antzerki Taldeak, Ordiziako Bertso Eskolak eta Txistulariek ere parte hartuko dute ikuskizunean.