Ordizia

Ahozkotasunaren Gala Nagusia, gaur arratsaldean D'Elikatuz gunean

Ahoz Aho Jaialdia bere amaierara iritsi da. Gaur, ostirala, ospatuko dute Ahozkotasunaren Gala Nagusia D'Elikatuz gunean. Ekitaldia 19:00etan hasiko da, sarrera irekiarekin eta, tartean, Ipuinen Narrazio lehiaketako finala izango da. Gala Nagusi Iñaki Karreterok aurkeztuko du eta hiru artistek ere parte hartuko dute: Arrate Leunda, Eneko Haritza eta Cardelinak.

Era berean, XIII. Narrazio Ipuinen Narrazio Lehiaketan, finalerako sailkatu ziren hiru narratzaileak arituko dira: Maria Alonso del Val, Urtzi Gorostiaga eta Asier Zubia. Kasu honetan, azken sailkapena ikusleen eta epaimahaiko kideen bozkekin osatuko da, puntuazio guztiak batuta.