Amezketa

Oier Gastonen organo kontzertua izango da igandean

Klasikotasuna, historia eta euskal musika uztartuko dituzte igandean Amezketako San Bartolome parrokiako elizan, 19:00etan hasiko den kontzertu berezian. Oier Gaston organo-jotzaileak (Urretxuko parrokiako organista titularra), 'Salbatoreko Organoak – Erromantikotik Euskal Musikara' izeneko emanaldia eskainiko du.

Kontzertua 1963ko Amezua y Cia. organo historikoarekin egingo da, eta aukera paregabea izango da musika tresna honen soinuak zuzenean entzuteko. Gastónek hainbat estilo eta garaitako lanak interpretatuko ditu.

Kontzertu hau 'Erromantikotik Euskal Musikara' biraren barruan kokatzen da, zeinak hiru herritan eskainiko dituen emanaldiak: uztailaren 4an Albizturren, uztailaren 5ean Alegian eta uztailaren 6an Amezketan, hurrenez hurren.