Tolosa Goierri

Martxoko igandeetan Goierriko museoak ezagutzeko aukera egongo da

Bailarako kultura eta ondarea ezagutzeko aukera paregabea izango da martxoan. Eskualdeko museo, interpretazio zentro eta ekipamendu nagusiek ateak irekiko dituzte martxoko igande guztietan (martxoak 2, 9, 16, 23 eta 30), goizeko 11:00etatik 14:00etara. Ekimen honen helburua da goierritarrek etxe ondoan duten aberastasun kulturala bertatik bertara ezagutzea.

Bisitariek hainbat gune interesgarri bisitatzeko aukera izango dute, hala nola Lizarrustiko Parketxea, Barandiaran eta Erroipe museoak Ataunen, Igartzako monumentu multzoa Beasainen, Idiazabal Gaztaren Interpretazio Zentroa Idiazabalen, D´Elikatuz Zentroa Ordizian, Zumalakarregi Museoa Ormaiztegin, Ardixarra etxea Seguran, Anduetza Parketxea Zegaman, eta Azpitta eta Herri Museoa Zerainen.