Tolosa Goierri

Martxoaren 8ko Goierriko mobilizazio nagusia, Zaldibian

Gaur, martxoaren 8a dela eta, Goierriko Koordinadora Feministak mobilizazio nagusia egingo du Zaldibian, 'Faxismoaren kontra, ausardia eta aliantza feministak' lelopean. Manifestazioa 12:30ean abiatuko da, eta 13:00etan ekitaldi politikoa egingo dute herriko plazan, emakumeek, transek eta bollerek jasaten dituzten zapalkuntzak salatzeko.

Mobilizaziora errazago iristeko, Goierriko Koordinadora Feministaren eskariari erantzunez, Lurraldebusek zerbitzu bereziak eskainiko ditu gaurko. Autobusak Beasaingo Renfe geltokitik abiatuko dira 10:40ean, 11:20ean eta 12.00etan; Ordizian geldialdia egingo dute 10:50ean, 11:30ean eta 12:10ean; eta Zaldibiara 11:00etan, 11:40an eta 12:20an iritsiko dira, Bilore lantokia zegoen ingurura. Itzulerako zerbitzuak 13:30ean, 14:00etan eta 14:40ean izango dira Zaldibiatik, Ordizian 13:40ean, 14:10ean eta 14:50ean geldialdia eginez, eta Beasainera 13:50ean, 14:20ean eta 15:00etan iritsiz. Horrez gain, herri sarreretan aparkaleku bereziak egokituko dira.