Tolosa Goierri

Lizarrustiko ostatua kudeatzeko lehiaketa publikoa abian

Lizarrustiko ostatua kudeatzeko eta erabiltzeko lehiaketa irekiaren lizitazio iragarkia kaleratuko zen atzoko egunez. Deialdia taberna eta aterpetxea dinamizatzeko eta arreta eskaintzeko zuzenduta dago.

Prozedura ireki baten bidez egingo da esleipena, eta interesa duen edonorl parte hartu ahal izango du, pleguetan jasotako baldintzak betetzen dituzten bitartean. Interesa dutenek 15 egun naturaleko epea izango dute proposamenak aurkezteko, iragarkia argitaratu eta biharamunetik aurrera zenba-tzen hasita.

Kontratua urtebetekoa izango da, eta gehienez beste lau urtez luzatzeko aukera eskainiko da.

Kontratazio mahaiak hainbat irizpide hartuko ditu kontuan esleipena egiteko, besteak beste, bisitariak artatzeko zerbitzuaren kalitatea (egutegia eta ordutegiak barne), ostatura bisitari gehiago erakartzeko jarduera-proposamenak, alokairuaren hobekuntza, genero berdintasunaren sustapena eta ingurumen-irizpideen betetzea eskatuko da.