Legorretako Udalak egutegi fiskala eman du ezagutzera

NUÑEZ LEGORRETA.

Legorretako Udalak udalerriko zergapekoei jakinarazi die 2019ko ekitaldiari dagokion zerga eta prezio publikoen egutegi fiskala, non diru-sarrera publiko horien ordainketa egiteko epeak ezartzen diren. Epeak ezarritako egunean bukatuko dira, edo, hori jaieguna bada, hurrengo lanegunean.

Trakzio mekanikodun ibilgailuen zerga, otsailaren 15etik martxoaren 30era ordainduko da. Zabor bilketaren lehen seihilekoa, apirilaren 10etik maiatzaren 25era, eta bigarrena, urriaren 10etik azaroaren 25era.

Herri baratzaren kasuan, lehen seihilekoa apirilaren 10etik maiatzaren 25era, eta bigarrena urriaren 10etik azaroaren 25era.

Ibilgailuen sarrera eta Ibi Iraunkorra urriaren 1etik azaroaren 10era kobratuko dira, eta kamioien aparkalekua, aldiz, urriaren 1etik azaroaren 10era.

Musika Eskolako matrikula irailaren 1etik irailaren 30era, eta Musika Eskolako kuotak hilero kobratuko dira.

Azoka astero kobratuko da, eta Ondasun Higiezinen Zerga (OHZ edo IBI), maiatzaren 15etik ekainaren 30era.Ekonomia Jardueren gaineko Zerga (EJZ edo IAE) urriaren 1etik azaroaren 10era kobratuko da.

 

Fotos

Vídeos