Lazkao

Maitane Ormazabal adituak irekiko du 'Berriketan Solasaldia'

'Berriketan Solasaldia' egitasmoak hainbat protagonista esanguratsu izan ditu orain arte. Markel Irizar txirrindularia, Aitzpea Leizaola antropologoa eta beste hainbat aditu aritu dira, bertaratu direnekin esperientziak eta jakintza partekatuz.

Bihar hilak 23, ekimenak kurtso berriari ekingo dio lehen saioarekin. Oraingoan, Maitane Ormazabal izango da protagonista, eta 'Altxa burua pantailetatik, begietara' izeneko solasaldia eskainiko du. Ormazabal psikologoa, heziketa bereziko irakaslea, idazlea eta psikoterapeuta da. Saioa 18:30ean izango da Gerriko Txokoan, eta sarrera doakoa da interesa duten guztientzat. Antolatzaileek herritarrak animatu nahi dituzte bertara joan eta Ormazabalen hitzaldia entzun eta gaiaz mintzatzeko.