Lazkao
Euskara ikastaroetan izena emateko aukeraJ. Z.
lazkao.
Osteguna, 19 iraila 2024, 20:03
Udalak gogorarazi die herritarrei zabalik dagoela izena emateko epea 2024-2025 ikasturtean San Benito Ikastolako ikasleen guraso, aitona-amona eta zaintzaileentzako euskara ikastaroetan. Ikastaro hauek urrian hasiko dira eta astean lau aldiz eskainiko dira, astelehenetik ostegunera, 14.30etik 16.00etara.
Hiru maila desberdin izango dira aukeran: hastapena, oinarrizkoa eta tartekoa, betiere talde bakoitzeko gutxieneko parte-hartzaile kopurua lortzen bada. Izena emateko, www.lazkao.eus webgunean eskuragarri dagoen inprimakia San Benito Ikastolara edo Udaletxera bidali edo entregatu behar da.
Izena emateko epea zabalik dago oraindik, eta Udalak familiak eta zaintzaileak hezkuntza programa honetan parte hartzera animatzen ditu, egunerokoan euskararen presentzia indartzeko.
