Tolosa Goierri

Larraitzen festak ez zuen hutsik egin

Maiatzaren lehenean festak hartu zuen Larraitz berriro. Aralarko larreen irekiera ospatu zuten ganaduzaleek eta, eguraldi lainotsuari aurre eginez –eguzkiak ere goxatu zuen gero giroa– jendetza elkartu zen berriro Enirio-Aralarko Mankomunitateak antolatutako jai egun bereziaz gozatzeko. Goiz osoan artisautza azoka izan zen. Eguneko protagonista uda goi-larreetan igaroko duen ganadua izan zen. Eguerdian, txupinazoaren ondoren igo ziren lehenengo behiak eta artaldeak. Ondoren, festak jarraipena izan zuen musika, bertsolari eta herri-kirol saioarekin.