Lagun Artean kontzertu paregabea eskainiko dute larunbatean parrokian

Urmaiz abesbatzako kideak Ander Deunaren egunean kantari. /  DV
Urmaiz abesbatzako kideak Ander Deunaren egunean kantari. / DV

Ormaiztegiko Urmaiz, Lazkaoko Kantaka, Ezkio eta Itsasoko korua, Arabako Koru Sinfonikoa, Mirandako Orfeoia eta Beasaingo Loinazko kideak elkarrekin arituko dira

El Diario Vasco
EL DIARIO VASCO ORMAIZTEGI.

Datorren larunbatean, urtarrilaren 12an, Ormaiztegiko Ander Deunaren elizan, kon-tzertu paregabea entzungai izango da. Hain zuzen, herriko Urmaiz abesbatzako kideez gain beste hainbat abesbatzeetako kide, baita maila altuko abeslari bakarlari zein musikarien partaidetza ere izango baita.

Larunbateko Lagun Artean kon-tzertuan Ormaiztegiko Urmaiz, Lazkaoko Kantaka, Ezkio eta Itsasoko, Arabako Koru Sinfonikoa, Mirandako Orfeoia eta Beasaingo Loinaz abesbatzetako kideak elkarrekin arituko dira. Guztira 120 abeslariek parte hartuko dutenez, orfeoi baten pareko partaidetza izango du. Larunbateko kontzertuan zuzendaritza lanetan Alberto Saez Puente arituko da, egun besteak beste Urmaizeko zuzendaria dena.

Aipaturiko abesbatzeetako kideez gain goi mailako abeslari bakarlarien partaidetza ere izango da, hain zuzen Ainhoa Lopez de Munain sopranoa, Garazi Alvarez mezzosopranoa, Uxue Ezeiza altua, David de Oliveira tenorea eta Jon Imanol Etxabe baritonoak ere parte hartuko dute.

Goi mailako abeslari bakarlariak ere arituko dira, denera 120 musikari

Abeslariei talde instrumental batek lagunduko die obren interpretazioan, hain zuzen parte hartuko duten musikariak, biola (Manu Ziemkiewicz eta Pawel Krimer), biolina (Enekoitz Martinez, Juan Comollon, Monica Redondo eta Ainhoa Galvany), txeloa (Ana Egizabal eta Alejandro Martinez), kontrabaxua (Joaquin Marco), oboea eta organoa (Casandra Alvarez), tronpeta (Erlantz Fernandez) eta pianoa (Itziar Beitia) izango direlarik.

Dohainik, 19:30etan

Kontzertua dohainik izango da, 19:30etan emango zaiolarik hasera, Vivaldiren Gloria eta Saint Saëns-en Oratorio de Nöel obra ezagunak interpretatuko dituztelarik.

Lagun Artean kontzertuaren aurkezpena egin eta xehetasunak jakinarazteko asmoz prentsaurrekoa eskaini zuten. Bertan izan ziren, Urmaiz abesbatzako Alberto Saez Puente zuzendaria eta Belen Iza lehendakaria, Ainhoa Merzero kontzertuko ahots teknikaren arduraduna, Javier Alberdi Kantaka abesbatzako zuzendaria, Xabier Barriola Ezkio eta Itsasoko abesbatzako zuzendaria eta Izaskun Unzurrunzaga Ormaiztegiko udaleko kultura zinegotzia.

Larunbatekoa, batez ere Goierriko hiru abesbatzeetako partaideen-tzat aukera paregabea dela azpimarratu zuten prentsaurrekoan, beraientzat ohore bat izango delarik, goi mailako abeslari bakarlari zein orkestra musikariekin batera ari-tzea. Antolatzaile zein partaideek, goi mailako, kalitatezko eta ezohiko kontzertua izango denaren aurreikuspena dute, musikazaleek galdu ezinezkoa, entzule oro gonbidatu zituztelarik.

 

Fotos

Vídeos