Tolosa Goierri

Kulturarteko Espazioaren saioa egingo dute larunbatean

Kulturarteko Espazioaren hurrengo bilera egingo dute bihar, larunbatean. Bi ordu inguruko saioa izango da, 10:00etatik aurrera, udaletxean. Herritar guztiei irekitako egitasmoa da.

Hasieran Arrakala taldeak sentsibilizazio hitzaldia eskainiko du 'Nolako harrera egiten dugu Asteasun?' galderari erantzunez. Ondoren, Mundu Bat Asteasun ekimenaren baitan dauden lantaldeek beraien lanak aurkeztuko dituzte eta proiektuaren hurrengo urratsak finkatuko dituzte.

Eguerdian, jaigiroan murgilduko dira parte hartzaile guztiak eta, ohikoa izaten den bezala, pintxo potea egongo da, Babarrunba musika taldeak alaituta.