Korrika txikia egingo dute eskolako ikasleek bazkalondoren

NÚÑEZ ADUNA.

Bihar, larunbatean, goizeko ordu txikitan igaroko da Korrika Tolosaldeatik, eta Adunan gaur ospatuko dute iritsiera. Bazkalondoren, 14:45ean, eskolako ikasleek Korrika txikia egingo da herrigunean, eta amaieran esnekiak banatuko dira, Kaikuren eskutik.

Arratsaldeko 18:30ean berriz, Loatzo musika eskolako ikasleek dultzaina audizioa eskainiko dute plazako kioskoan, eta jarraian, 20:00etan, afari-herrikoia egingo dute Txulobi elkartean eta ondoko plazan. Udalak mahaiak eta aulkiak jarriko ditu eta afaria zein edaria norberak eraman beharko du etxetik. Gaueko 22:00etan txiste txapelketa egingo da. Parte hartzaile bakoitzak bi txiste kontatu beharko ditu. Ondoren, nahi dutenentzako parranda egiteko aukera izango dute Korrika iritsi arte. Goizeko 2:30ean botako da iragartzeko suziria eta jarraian lekukoa eramango dutenak beren postuetara joango dira.