Tolosa Goierri

'Isiltasunetik' dokumentalaren emanaldia bihar udal aretoan

Bihar ostiralarekin Telmo Basterretxearen 'Isiltasunetik' dokumentala ikusi ahal izango da Lizartzako udal aretoan. Emanaldia arratsaldeko 19:30ean hasiko da eta jarraian lantaldeko kideekin solasaldia egingo da.

Dokumentalak jaiotzetik gorrak diren bi lagunek Marokon zehar egindako bidaia kontatzen du, gidariekin batera, bere azoka jendetsu eta zaratasunetan zein basamortu isiletan izandako bizipenetan zehar. Itziar Agirrebaerrena lizartzarrak eta Enrike Zeberio tolosarrak dira filmeko protagonista, Josu Iztueta bidaiariarekin batera.