Tolosa Goierri

Ipuin kontaketa eta bideo emanaldia, gaur asteko kultur ekitaldiak hasteko

Kultur agendan hainbat ekitaldi egingo dituzte aste honetan. Gaur, Larraitz Urruzolak ipuin kontaketa saio berezia eskainiko du haurrentzat Gaztelekuan, Ahoz Aho ahozkotasun Jaialdiaren baitan. Saioa arratsaldeko 18:00etan hasiko da eta Euskal Herriko eta Galiziako kontakizunak uztartuko ditu bertan, arratsaldea narrazioen magiaz betetzeko.

Era berean, Zazpi Iturri Pilota Elkartearen 50. urteurrena ospatzeko ekitaldietako bat egingo dute gaur. Elkartearen historia jasotzen duen bideo eta argazki emanaldia eskainiko dute 18:30ean kultur etxeko areto nagusian. Herriarteko txapeldun izandako urteko bideoak eta argazki historikoak ikusi ahal izango dira proiekzioan eta elkarteko hainbat kideri elkarrizketak ere egin dira; besteak beste, Xaltoni, Haritzi, Eneko Galartzari, Jokin Altunari edota Ekaitz Saralegiri.

Bestalde, bihar, asteazkena, aurtengo San Bartolome festak antolatzeko bigarren bilera egingo dute, 19:00etan Pernando Amezketarra kultur etxeko jubilatuen txokoan.