Intxurreko gorengoen mailako neskak eta kadete mutilak kopako kanporaketetarako sailkatu dira

Infantilen Idiazabalgo torneoa irabazi du Intxurrek. /  RENOBALES
Infantilen Idiazabalgo torneoa irabazi du Intxurrek. / RENOBALES

Kadeteek bihar Zarautzen jokatuko dute eta gorengoek datorren astean final laurdena

AMAIA GOIKOETXEA ALEGIA.

Intxurreko gorengo mailako nesken eta kadete mutilen taldeek aurrera egin dute kopa txapelketan. Kadeteek multzoko bigarren postuan amaitu zuten Ostadarren aurka 5-1 galdu ostean baina final zortzirenetarako sailkatu dira. Bihar 15:30ean Zarautzen jokatuko dute kanporaketa horri dagokion partida. Gorengoen mailako neskek, berriz, bana berdindu zuten Bergararen aurkako partida eta final laurdenetarako sailkatu dira. Asteburu honetan ez dute partidarik izango eta hurrengoan Trintxerperen aurkako kanporaketa izango dute.

Aralar Intxurreko infantil mutilek ere asteburuan jokatu zituzten denboraldiko azken partidak. Txapeldunen faseko seigarren postuan amaitu dute euren multzoetan Ilintxaren aurka 2-4 eta Aizkorri Goierriren aurka 1-7 galdu ostean.

Bestelakoan, erregional mutilek hutsean berdindu zuten Euskaldunaren kontra kopan. Bosgarrenak dira bost punturekin eta laugarren dagoen Irauli Bostekoren kontrakoa izango dute bihar 12:30ean etxean. Jubenil gizonezkoek 2-5 galdu zuten Sanpedrotarraren kontra igoera fasean. Seigarrenak dira eta beraien aurretik dagoen Real Unionen aurkakoa izango dute Irunen gaur 18:00etan.

Infantil neskek 4-2 galdu zuten Euskaldunaren zelaian. Hirugarrenak dira eta bosgarren dagoen Danenaren zelaian jokatuko dute gaur 13:00etan. Azkenik, alebinetan, Intxurrek 0-7 irabazi zion Idiazabali. Bigarrenak dira eta asteburuan atsedena izango dute.

Infantilak txapeldun

Apirilaren 28an Idiazabalgo infantil mailako txapelketa jokatu zen. Intxurreko gizonezkoen taldea bertan izan zen eta garaipenarekin itzuli ziren etxera. Finalerdietan Urnietari 4-0 irabazi zioten eta finalean etxeko taldea menperatu zuten 2-. Intxurrek eskerrak eman nahi dizkio Idiazabal taldeari txapelketara gonbidatzeagatik.