Intxurreko futbol taldeek jardunaldiko partida guztiak irabazi dituzte

Bihar goizean kadeteen neurketa ikusi ahal izango da Elorrin

GOIKOETXEA ALEGIA.

Intxurreko futbolarientzat gozoa izan da igaro berri den asteburua. Sei partida jokatu eta guztiak irabaztea lortu dute. Gorengoen mailako neskek 0-1 irabazi zuten Oiartzunen. Zazpigarren postuan jarri dira eta Urnieta liderraren zelaian jokatuko dute gaur 19:00etan.

Erregionalen mailako mutilek 4-1 irabazi zuten Astigarragako Mundarroren kontra. Sailkapeneko bosgarrenak dira eta beraien aurretik dagoen Axularren zelaian ariko dira bihar 17:30ean. Jubenilen mailako gizonezkoen taldeak multzoko lidertza hartu du Danenari 3-2 irabazita. Postu hori sendotzen ahaleginduko dira hirugarren dagoen Lazkaoren zelaian larunbatean 18:15ean jokatuko duten neurketan. Kadeteek 0-5 irabazi zuten Idiazabalen. Lehenak dira eta Billabonaren aurka ariko dira etxean bihar 11:00etan.

Infantiletan, Aralar Intxurreko neskek 3-10 irabazi zioten Danenari eta sailkapeneko bigarrenak dira. Aste honetan ez dute partidarik izango. Mutiletan, bi taldeak lidertzan dira. Aralar Intxurre Ak 5-0 menperatu zuen Udarregi Usurbil eta Euskaldunaren zelaian ariko dira bihar 9:30ean, lehen postuari eusteko helburuarekin. Maila bereko beste taldeak atsedena izan du pasa berri den jardunaldian eta Internacional taldeari egingo dio bisita igandean 9:30ean.

 

Fotos

Vídeos