Intxurreko erregionalek garaipen erosoa lortu zuten Kopan Arizmendiren aurka

Intxurreko erregionalen mailako taldeak 4-0 irabazi zion pasa den asteburuan Arizmendi taldeari Kopako partidan. Lehen zatian neurketa erabakita utzi zuten alegiarrek hiru gol sartuta, eta aurkariak baino maila hobea dutela erakutsi zuten. Hiru puntu horiekin bederatzi dituzte dagoeneko bilduta, eta hirugarren postuan daude Elgoibar liderraren zelaian jokatu aurretik. Jubeniletan, gizonezkoek 5-3 irabazi zioten Orereta Kafea taldeari, eta hiru jardunaldiren ostean garaipenaren bidera itzuli dira. Hirugarren postuan daude hamabost punturekin eta hamargarren dagoen Antigua Luberriren zelaian jokatuko dute hurrengo partida. Maila bereko neskek 1-3 galdu zuten Goierri Gorriren aurka. Bederatzigarren jarraitzen dute eta zazpigarren dagoen Amaikak Baten aurka jokatuko dute asteburuan etxetik kanpo.