Igeldoko Lezkarri abesbatza, Belauntzan

Belauntzako jubilatuek beren eguna ospatu zuten igandean. Eguerdian meza ospatu zen beraien omenez, eta jarraian, Igeldoko Lezkarri abesbatzak emanaldia eskaini zuen elizan. Laida Otaduyk zuzendutako abesbatzak 'Goizian argia hastian', 'Itxasoa', edota 'El aire' bezalako abestiak eskaini zituzten. Elizara gerturatu ziren ikusleek gogoz entzun zituzten guztiak eta txalo zaparrada eskaini zieten amaieran.