Tolosa Goierri

Ibilgailuen zerga ordaintzeko epea astelehenean irekiko du Udalak

Ibilgailuen gaineko zergaren errolda onartu berri du Amezketako Udalak eta zerga ordaintzeko borondatezko epea apirilaren 7etik maiatzaren 30ra bitartean izango da. Ordainketa helbideratuta dutenei datorren astelehenean kobratuko zaie kontu korrontetik.

Helbideratuta ez dutenek, Kutxako edozein bulegotan egin dezakete ordainketa udalaren izenean dagoen kontu korrontean, etxera bidalitako erreziboekin. Epea amaituta ordaindu ez dutenei, ehuneko 20ko errekarguarekin kobratuko zaie atzerapena.

Bestalde, Zazpi Iturri Pilota Klubak 50 urte beteko ditu aurten eta horregatik, gaurko festa berezia antolatu dute. Goizeko 11:00etatik aurrera herritarren arteko pilota partidak jokatuko dira frontoi zaharrean eta ondoren bazkaria izango dute Larrunarri frontoian. Egunean zehar trikitilariek alaituko dute giroa eta parte hartzaileentzako sorpresak ere egongo dira.