Tolosa Goierri

Hitanoa hitz egiten ikasteko ikastaroa antolatu da Lizartzan

Hitanoa hitz egiteko ikastaroa antolatu dute 'Zaintza ehuntzen' eta Kalamatrike taldeek. Hitanoa hitz egiten ikasteko eta dakitenek praktikan jartzeko ikastaroa izango da. Lehenengo saioa apirilaren 3an, osteguna egingo da 18:00etan. Izena emateko mezu bat bidali beharko da 649 497 393 zenbakira.

Datorren ostegunean, apirilaren 3an, odol-emateko saio berri bat antolatu da Lizartzan, Udalak eta Odol emaileen elkarteak bultzatuta. Odol-emateak arratsaldeko 16:30etik 20:30era bitartean izango dira udaletxean. Parte hartu nahi dutenek aurrez hitzordua eskatu beharko dute udaletxera bertara deituz, edo 673 905 685 zenbakira Whats App edo telegram mezua bidalita.

Elikadura osasuntsuaren inguruko hitzaldia antolatu du Eskolako Behatokiak Udalaren laguntzarekin Treba Gurasoak ekimenaren baitan. Hitzaldia apirilaren 9an, eskainiko du Mireia Centenok udal-areto nagusian, 16:15ean, haurren eta nerabeen gurasoei zuzenduta eta joan nahi dutenek aurrez izena eman behar dute eskolan, edota 943 682 063 telefono zenbakira deituta edota 012123aa@hezkuntza.net helbidera mezua bidalita.