Tolosa Goierri

Herritar eta bisitari ugarirekin agurtu dituzte festak

Bisitari ugarirekin amaitu ziren Orexako festak hiru eguneko egitarauaren ondoren. Igande goizean Artisautza Azoka egin zen lehen aldiz. Eskualdeko ekoizleak izan ziren nagusi, baita probintziakoak ere: bitxiak, arropa, dekorazioa, jostailuak, osagarriak, eta abar erosi ahal izan ziren frontoian egin zen merkatuan. Aldi berean, txikienek ederki pasa zuten puzgarrian jolastuz. Arratsaldean, berriz, herri-kirol erakustaldia izan zen eta, ohitura den bezala, sagardo dastaketak eman zion amaiera jaiei.