Ataun

Herriko odol-emaileei aitortza egin diete

Herriko bost odol-emailek aitortza jaso dute urteetan zehar egindako ekarpenengatik. Irati Arratibel, Jaione Urkiola, Eider Goikoetxea eta Ainara Gorostizu zilarrezko dominaz saritu dituzte, bakoitzak 25 odol-emate egin dituelako. Joxe Begiristainek, berriz, Odol Emaile Handiaren oroigarria jaso du, bere 75 odol-emateengatik. Ekitaldia atzo egin zen udaletxean, eta sarituak Odol-emaileen elkarteko Jose Luis Gorostizurekin agertu ziren argazkian.

Bestalde, odola emateko hurrengo aukera datorren ostegunean izango da, ohi bezala, Joxemiel Barandiaran eskolan.