Herriko dantzariek emanaldi arrakastatsua eskaini zuten

Eskaini zituzten dantza eta koreografietako bi. /  YARZA
Eskaini zituzten dantza eta koreografietako bi. / YARZA

YARZA BERROBI.

Kultur egitarauaren baitan Berrobiko dantzari gazteek eta helduek emanaldi berezia eskaini zuten igandean. Plazako harmailak ikuslez bete ziren eta gogoz txalotu zituzten haurrek zein helduek egindako koreografiak. Herritarrekin batera Ibarrako zein Bidania-Goiazko dantzariak ere izan ziren.

Bihar, hitzaldia

Maiatzeko kultur ekitaldiek bihar, asteazkenean, izango dute jarraipena Idoia Apaolazaren 'Nola motibatu seme-alabak ikasketetan?' izenburuko hitzaldiarekin. Arratsaldeko 17:30ean hasiko da hitzaldia udaletxeko areto nagusian.