Tolosa Goierri

'Herri Txiki, Infernu Handi' saioa bihar grabatuko dute herriko plazan

Azken asteetan grabatu dituzte Herri txiki Infernu handi programako elkarrizketak Alegian eta bihar emanaldia egingo da 21:00etatik aurrera. Bertan elkarrizketen bideoak proiektatuko dira, Miren Nogales eta Mikel Pagadi aurkezleen monologoekin eta Sebastian Lizasoren bertsoekin tartekatuak. Herritar guztiak daude bideoaren proiekziora gonbidatuak. Ekitaldia plazan egitea aurreikusita dago, baina eguraldiaren iragarpenaren arabera, posible da Elorri frontoira aldatzea.