Hernio-Gazumeko hegaztiak ezagutzeko bisita gidatua antolatu da

NÚÑEZALKIZA.

Fagus Alkiza interpretazioa zentroak Hernio-Gazume babes bereziko eremuan ikus daitezkeen hegaztiak ezagutzeko bisita gidatua antolatu du.

Uztailaren 20an izango da, larunbatean, Alkizako plazatik abiatuta. Goizeko 10:00etan izango da irteera ordua eta bi ordu eta erdi inguruko iraupena izango du irteerak, antolatzaileen esanetan.

Adin guztietako pertsonek egiteko moduko irteera izango omen da hilaren 20koa, zailtasun maila ertainekoa, antolatzaileek zehaztu dutenez.

Bisitan parte hartu nahi dutenek aurrez izena eman beharko dute kultura@alkiza.eus helbidera mezua bidalita.

Alkizarrentzako eta 12 urtera arteko gazteentzako doakoa izango da irteera, eta gainerakoek 4 euro ordaindu beharko dute.