Tolosa Goierri

'Gurea erabil dezakezu' kanpaina martxan Seguran

Altxa burue taldeak 'Gurea erabil dezakezu' kanpaina jarri du martxan, herriko haur eta gazteei telefonoa erabiltzeko aukera bermatzeko. Hemendik aurrera, Segurako taberna, denda, zerbitzu eta udal eraikin guztietan izango dute gaztetxoek beharrezko deiak egiteko aukera.

Kanpaina honi esker, establezimendu eta erakundeetan pegatina berezi bat jarriko da, haur eta nerabeek bertako telefonoa erabil dezaketela jakinarazteko. Kanpainaren helburua, gazteen segurtasuna eta ongizatea bermatzea da, behar duten unean telefonoz komunikatzeko aukera izan dezaten.