Tolosa Goierri

Goiza Pasa udalekuetarako begiraleak kontratatuko ditu Udalak

Goiza Pasa udaleku irekiak antolatuko ditu aurten ere Irurako Udalak ekainaren 30etik uztailaren 24ra, eta bertan lan egingo duten begiraleak kontratatuko ditu. Izena ematen duten haur eta nerabe kopuruaren arabera, begirale kopurua ere alda daiteke. Interesatuek izena emateko epea irekita dute jada. Eskaera Udalaeko egoitza elektronikoan aurkeztu behar da, apirilaren 28ra bitartean.

Begirale izateko eskaerarekin batera, derrigorrezko dokumentua eta merituak baloratzeko agiriak ere aurkeztu beharko dira egoitza elektronikoan. Hezitzaile lanetarako kontratatua izateko, beste baldintza batzuez gain, ezinbesteko izango da 16 urte izatea, Derrigorrezko Bigarren Hezkuntza tituluaren jabe izatea, euskaraz jakitea, natura sexualeko delituenganako aurrekari penalik ez izatea eta prestaketa asteburuan parte hartzea.

Gainera, hautaketa prozesuaren baitan, merituak baloratzeaz gainera, talde dinamika bat egingo da.