Asteasu

Giro ederrean amaitu ziren San Pedro jaiak eguraldiak lagunduta

San Pedro jaiak amaierara iritsi dira. Beroari aurre eginez, herritar ugarik parte hartu dute antolatu diren ekintzetan. Igandea izan zen jaien egun nagusia.

Udalbatzako kideek parte hartu zuten meza nagusiaren ondoren, dantza-soka eskaini zuten herriko dantzariek. Pilar Legarra alkatea eta Jon Beobide izan ziren aurten omenezko dantza jaso zutenak. Ondoren, herritarren-tzako hamaiketakoa eskaini zen elizako atarian, eta aldi berean, gaztetxoen arteko buruz buruko txapelketako finalak jokatu zituzten.