Jai giro bikaina San Antonio egunean

Eguraldi bikaina izan zuten errezildarrek . /
Eguraldi bikaina izan zuten errezildarrek .

YARZAERREZIL.

Ohitura den bezala, San Antonio eguna ospatu zuten atzo Errezilen ermita inguruan. Goizean meza eskaini zen santuaren omenez ermitan txupinazoaren ondoren.

Jarraian, Lidia eta Itzeder trikitilariek alaituta bertaratu guztien-tzako hamaiketakoa eskaini zen kanpoaldean.

Bitartean, zelaian ederki pasa zuten haurrek eta gaztetxoek Lopene ganadutegiko zezentxoekin, poniekin eta astotxoarekin.

Gaurko egitaraua

Jaietako egitarauak igandera arte jarraituko du. Gaur, ostirala, haurren-tzako jolasak antolatuko dira 16:00etatik aurrera eta 19:00etan poteoa egingo da trikitilariekin.

Iluntzean herri-afaria egingo da frontoian Guraso elkarteak antolatuta eta gauerdian, Play-back jaialdia dantzalekuan. Ondoren, egunari amaiera emateko, Iratzar taldearekin erromeria.