Tolosa Goierri
Gazteen Dantza Topaketaren aurkezpena gaur

Ekainaren 27tik 29ra egingo den saioaren xehetasunak ezagutzera emango dira eta mahai-ingurua ere izango da

J. ZABALA

SEGURA.

Viernes, 4 de abril 2025, 20:28

XIII. Gazteen Dantza Topaketa (GDT), Euskal Dantzarien Biltzarrak antolatuta, ekainaren 27tik 29ra ospatuko da Seguran. Bertan, Euskal Herri osoko 100 dantzari gazte inguru bilduko dira esperientziak partekatzeko, belaunaldien arteko erreleboari buruz hausnartzeko eta, nola ez, dantzaz gozatzeko. Aurtengo edizioa hainbat sorpresaz beteta dator, eta horien artean Urtz taldearen parte-hartzea azpimarratzekoa da. GDTren barruan antolatuko den 'Dantzen Desafioa' lehiaketa oso berezia izango da, izan ere, talde irabazleak Urtz taldearen kontzertuetako batean bere koreografia dantzatzeko aukera izango du.

Ospakizun honen aurkezpena gaurko egunez egingo da. Aurkezpen ofizialaz gain, mahai inguru bat egongo da. Bertan belaunaldien arteko erreleboaren erronkarekin zerikusia duten gaiak jorratuko dira. Gainera, dantzazaleek aukera izango dute 13:30ean plaza-dantzan parte hartzeko, Tiriki Trauki fanfarrearen doinuekin. Ekitaldia irekia izango da eta bertaratu nahi duten guztiei luzatzen zaie gonbita.

Antolatzaileek gaurko aurkezpenean parte hartzera animatzen dituzte dantzazale guztiak.