Tolosa Goierri

Gazte Egunak eta Kinto Egunak jai-giroz beteko du Aizkorpeko bailara gaurkoz

Zegaman, Gazte Herexak 15. Gazte Eguna antolatu du gaurko, eta dagoeneko 120 gaztek eman dute izena bazkarirako. Goizeko poteoarekin hasiko da eguna, eta musikaz, jolas eta afariaz gozatzeko aukera izango dute parte-hartzaileek. Gauean, DJ ibiltaria eta DJ Track arduratuko dira festa giroa borobiltzeaz.

Seguran, berriz, 4. Kinto Eguna egingo dute. Errebote plazan aterako dute taldeko argazkia, eta ondoren bazkaria, jolasak eta musikaz betetako eguna izango dute aurretik.