Tolosa Goierri

Garbitzaile ordezkapen lanak egiteko deialdia ireki du Udalak

Udal eraikineko garbitzailearen ordezkapena egiteko lanposturako deialdia ireki du Berrobiko Udalak. Kontratua astelehenetik ostiralera izango da, egunean bost orduz.

Kontratazioa Lanbideren bitartez egin beharko da, eta derrigorrezkoa izango da euskarako 1. HE edukitzea. Imformazio gehiagorako Udal bulegoan galdetu beharko da.

Berrobiko Altxa Burua taldeak, berriz, LH-ko azken zikloko ikasleentzako hitzaldia antolatu du datorren astearterako. Maitane Ormazabal psikologoak eta terapeutak emango du hitzaldia eskolan.

Era berean, hilaren 18an, gurasoentzako formakuntza saio bat eskainiko du Miren Ros adituak.