Gabonetan herria girotzeko ekitaldi ugari antolatu dira

Herria girotzeko erakusleihoak apaindu dituzte herrian./
Herria girotzeko erakusleihoak apaindu dituzte herrian.

A. A. LAZKAO.

Gabonak gertu ditugun honetan, LazkaOn merkatari elkarteak hainbat ekimen jarri ditu martxan 'Gabonetan ere, Lazkaon bizi, Lazkaon erosi!' lelopean. Elkarteko dendetan gutxienez 20 euroko erosketa egiten duten bezeroek, 2019ko egutegi bat jasoko dute doan batetik, egutegi berezia izango delarik gainera.

Herritarrek egindako Lazkaoko argazkiez osatuta egongo da, azaroan egindako argazki lehiaketako hamabi argazki irabazleekin hain zuzen ere. Bestetik, herria girotzeko, erakusleihoak apainduko dituzte. Izar formako apaingarria erabiliko dute merkatari elkarteko dendek eta erakusleiho lehiaketa egingo da herriko komertzio guztiei irekita.

Beste aldetik, azken urteetan bezala, Gabonetako erakusleiho lehiaketa antolatu du LazkaOnek, udalarekin elkarlanean, eta herriko hogeita zortzi komertziok parte hartuko dute oraingoan, astelehenetik aurrera haien erakusleihoak apainduz. Herritarrek irabazlea zein den aukeratzen lagunduko dute bozketa bidez.

Bihar izango da parte-hartzaileek erakusleihoa prestatzeko duten azken eguna eta astelehenetik aurrera, gustukoenagatik bozkatzeko aukera izango dute herritarrek. Denda parte-hartzaileetan banatuko dituzten boto-txartelak bete eta Udaletxean jarriko den kutxara eraman behar dituzte horretarako edo, nahiago duenak, facebookez ere bozkatu dezake, merkatari elkarteko perfilera (@lazkaon) bere bozka zeinen- tzako den esaten duen mezu pribatu bat bidalita.

Sariak

Hilaren 23a izango da bozka- tzeko azken eguna eta bozketaren emaitzaz gain, merkatari elkarteko ordezkari batek eta udaleko ordezkari batek osatutako epaimahai baten balorazioa hartuko da kontutan aurtengo erakusleiho lehiaketako irabazleak aukeratzeko.

Kanpaina honetan parte hartzeak, saria izan dezake gainera erosleentzat; erakusleiho irabazlea aukeratzeko bozka ematen duten guztien artean, zozketa bidez, 150 euroko lau erosketa bale eta 400 euroko erosketa bale bat banatuko baitira, lehiaketan parte hartu duten dendetan gastatzeko.

 

Fotos

Vídeos