Festetako egitarauaren azala aukeratzeko Udalaren lehiaketa

YARZAAMEZKETA.

Amezketako San Bartolome jaiak prestatzen ari da dagoeneko jai batzordea eta aurten udalarekin batera jaietako egitarauaren azaleko irudia aukeratzeko lehiaketa antolatzea pentsatu dute.

Nahi duten herritarrek parte hartu ahal izango dute lehiaketan eta horretarako bi aukera egongo dira: marrazkia egin eta udaletxean aurkeztu sobre itxi batean, barruan beste orri batean egilearen izen-abizenak eta telefono zenbakia jarrita, edota argazki bat aurkeztea eta udala@amezketa.eus helbidera bidaltzea.

Aukeratutako argazkia egitarauaren azalean argitaratuko da eta egileak bi lagunentzako afaria jasoko du saritzat, antolatzaileek adierazi dutenez.

Artola animatzeko busa

Datorren uztailaren 7an Josu Artolak Gordexola Xtreme 2019 proban parte hartuko du eta ikustera joan nahi dutenentzako autobusa antolatu da. Egun berean Beartzana jatetxe ondoko aparkalekutik aterako da goizeko 7:30ean. Itzulera arratsaldean egingo da.

Irteeraren prezioa 10 eurokoa izango da eta joan nahi dutenek Udaletxean izena eman beharko dute, 943653189 telefonora deituz.

Gutxienez 15 pertsona beharko dira autobusa antolatzeko.