Euskaraldiaren aurkezpena bihar Abaltzisketan

Datorren azaroaren 23tik abenduaren 3ra Euskaraldia ekimena antolatuko da Euskal Herrian euskararen erabilera bultzatzeko. Helburua hamaika egunez euskaraz hitz egiten duten guztiek euskaraz egitea da, eta hitz egin ez arren ulertzen dutenek ere entzun eta euskaraz egiteko aukera izatea.

Ekimenaren aurkezpena eta parte hartzearen nondik-norakoen azalpena bihar, astelehenean, irailaren 17an, egingo da Abaltzisketan, iluntzeko 20:00etan.