Erregionalak eta alebinak garaipena lortu zuten bakarrak

Intxurreko alebinek 5-3 irabazi diote asteburuan Idiazabalgo taldeari. /  RENOBALES
Intxurreko alebinek 5-3 irabazi diote asteburuan Idiazabalgo taldeari. / RENOBALES

AMAIA GOIKOETXEA

Intxurreko erregionalen mailako mutilen taldeak 0-2 irabazi dio Euskaldunari pasa berri den futbol jardunaldian, eta igoera postuetatik hurbil jarraitzen dute, bosgarren postuan. Datorren asteburuan hirugarren dagoen Danenaren bisita jasoko dute. Alebin mutilek ere jokoan ziren hiru puntuak poltsikoratu dituzte Idiazabali 5-3 irabazita, eta seigarren daude sailkapenean hiru punturekin. Asteburuan Aizkorri Goierriren zelaian ariko dira.

Futbol jardunaldia ez da oso oparoa izan gainontzeko taldeentzat. Jubenilen kategoriako mutilek 0-2 galdu zuten igoera fasean Kostkasen aurka. Seigarrenak dira zazpi punturekin eta laugarrena den Sanpedrotarraren zelaian ariko dira hurrengo jardunaldian. Infantil mutilei dagokienean, txapeldunen faseko lehen partidak izan zituzten. Aralar Intxurre A-k 1-1 Vasconiaren aurka eta hurrengo neurketa Lengokoaken zelaian izango da. Maila bereko beste taldeak 1-2 galdu zuen Zestoaren kontra. Asteburuan Villabonan ariko dira.

Kadeteen mailako mutilek eta infantilen kategoriako neskek atsedena izan dute pasa berri den jardunaldian. Kadeteek Idiazabalen jokatuko dute kopako hurrengo partida eta infantilek lehen faseari dagokion neurketa izango dute Danenaren aurka. Azkenik, gorengoen mailako neskek kopako lehen jardunaldia jokatuko dute asteburuan Trintxerpen.

 

Fotos

Vídeos