Tolosa Goierri

'Errautsak hauspotzen' bideografiak aurkeztuko dira gaur arratsaldean

'Errautsak hauspotzen' bideografien aurkezpen emanaldia egingo da gaur arratsaldean Batzarremuño kulturgunean. Ekitaldia 19:00etan hasiko da. Urola Erdi eskualdeko trikitixaren historia jaso eta erakusten duen proiektua da, Trikigiro eta Kulturaz kooperatibak elkarlanean aurrera eraman dutena.

Proiektua 60. eta 70. hamarkadetan trikitixak kulturaren eta euskararen transmisioan izandako garrantzia aztertu nahi zuen. Oinarrian dokumental bat egitea zen helburua, baina jasotako material anitza ezagutzera emateko, dokumentazio liburu bat eta bideografia bilduma bat ere osatu zituzten. Azken hau aurkeztuko dute gaur Batzarremuñon. Bertan, Garai hartzako hainbat trikitilariren testigantzak jaso dituzte, besteak beste, Imanol Iturbide, Landakanda, Zabale, Epelde eta Laja.