Segura

Erdi Aroko festa berreskuratuko dute Seguran uztailaren 12an

Josu Zabala Barandiaran

Segura

Martes, 25 de febrero 2025 | Actualizado 26/02/2025 08:13h.

Comenta

Herriko kaleak Erdi Aroko giroan murgiltzeko prestatzen ari dira, urteetako etenaren ostean bertako gazte talde batek jai historikoa berreskuratu nahi baitu. Ekimenaren sustatzaileek uztailaren 12rako jarri dute data, eta antolakuntza lanak aurrera eramateko herritarren laguntza eskatu dute.

Herriko hamar bat gaztek hartu dute proiektu hau gidatzeko ardura. Haien esanetan, denbora daramate lanean, baina oraindik hainbat xehetasun lotu behar dituzte festa behar den bezala antolatzeko. Horregatik, herritar guztiei dei egin diete ekimen honetan parte hartzeko eta lan taldeetan izena emateko. Antolakuntza errazteko, Segurako WhatsApp taldeetan esteka bat zabaldu dute, interesdunek izena eman dezaten. Halaber, herriko tabernetan ere inprimakiak jarriko dituzte.

Azken Erdi Aroko jaia duela hamar urte ospatu zen. Orduko espiritua berpiztu nahi dute aurten, eta horretarako, herriko eraikinak zabaldu, kaleak garaiko apaingarriekin atondu eta festa egunari amaitzeko afari berezi bat antolatuko dute.