Tolosa Goierri

Emakumezkoen Segurako Saria IV. edizioa, larunbatean

Bihar jokatuko da Emakumezkoen Segurako Sariaren IV. edizioa, Emakumezkoen Euskaldun Torneoaren barruan. Bi maila izango ditu: 14:15ean hasiko da kadeteen lasterketa, 41 kilometro betez, eta 16:00etan, junior, 23 urtez azpiko eta elite mailako txirrindulariena, 60 km-rekin. Helmuga plazan izango da. Txirrindulari Elkarteak boluntario gehiago behar ditu bidegurutzeak zaintzeko, eta emakumeen parte-hartzea sustatu nahi du. Interesdunek larunbatean 13:15ean plazan elkartu behar dute. Informazioa eskuratzeko, segurakotxirrindularielkartea@gmail.com helbidera edo 692 705 331 WhatsApp zenbakira idatzi daiteke.

Honen ostean, beste lau proba jokatuko dira Seguran: martxoaren 22an eskolartekoak, maiatzaren 3an kadete mutilak, ekainaren 6an Gizonezkoen Euskaldun Torneoa eta ekainaren 23an juniorren Gipuzkoako Itzuliaren azken etapa.