Tolosa Goierri

Emakumeen topaketa eta afaria Martxoaren 8a ospatzeko

Emakumeen Nazioarteko Eguna ospatzeko Emakumeen Topaketa eta afaria antolatu dituzte. Ostiralean egingo da topaketa, Etxolan 17:30etik aurrera. eta 'Emakumeak: gure bihotzak badaki erantzuna' gaia izango dute hizpide. Afaria larunbatean egingo dute, martxoaren 8an, bertso saio musikaruarekin, Ostatuan. Oihana Iguaranek eta Ane Labaka bertsolariek, Ixak Arruti musikariak parte hartuo dute, Amaia Agirre gai-jartzailea dutela.

Afariko menua ondorengoa izango da: iberikoen tabla, kroketak, entsalada mistoa, oilaskoa patatekin, postrea eta kafea. 25 euroko prezioa du, edariak barne. Gaur da izena emateko azken eguna, Lakarie dendan eta Amets Ostatuan.

Berrobiko Altxa Burua taldeak antolatuta, datorren asteartean, martxoaren 11an, Maitane Ormazabal psikologo eta terapeutak Lehen Hezkuntzako azken zikloko ikasleekin solasaldia egingo du eskolan.

Bestalde, martxoaren 18an, Miren Ros teknologien erabileran adituak herritar guztien-tzako formakuntza saioa eskainiko du udaletxeko pleno aretoan 17:00etan.