Tolosa Goierri

Emakume Sortzaileen Azoka ekainaren 29an egingo dute Aiako plazan

Herrian hitzordu berezi bat izango da datorren ekainaren 29an, igandez, goizez zehar: Emakume Sortzaileen Azoka bueltan da, eta Aiako plazan ospatuko da, herriko festak baliatuz. Ataungo Biboletak Emakumeen Taldeak antolatutako ekimen honek, emakume sortzaileen lanari ikusgarritasuna ematea eta herriko zein inguruko sormenaren balioa nabarmentzea du helburu.

Azokak aukera ematen du emakumeek sortutako produktuak saltzeko edo erakusteko postuak jartzeko, hala nola eskulanak, arte lanak, osagarriak, janariak, kosmetika naturalak, edota bestelako sorkuntzak. Parte hartu nahi dutenek ataungoemakumeentaldea@gmail.com helbidera idatzi beharko dute, eta izena emateko epea ekainaren 15era arte egongo da zabalik.