Tolosa Goierri

Elkarteek jarduerak antolatzeko diru-laguntzak eskatzeko deialdia irekita

Urtean zehar herriko elkarteek antolatzen dituzten ekitaldiak finantzatzeko, diru-laguntza deialdia zabaldu du Zizurkilgo Udalak, eta aisialdia, kirola, kultura, hezkuntza, gazteria eta euskararen inguruko egitasmoen gastuetara bideratuko du laguntza. Eskaera aurkezteko epea maiatzaren 12ra bitartean egongo da irekita.

Zizurkilgo elkarteek eta eragileek egiten duten lana babesteko helburua du diru-laguntza honek. Partida lau atal ezberdinen arabera banatuko da. Kirolerako 14.000 euro bideratu ditu udalak, kulturarako 17.500 euro, euskararako 2.500 euro eta hezkuntzarako 4.500 euro.

Eskaerak presentzialki zein telematikoki aurkeztu daitezke. Pertsona juridikoen kasuan, tramitea telematikoki egin beharko da derrigorrez Zizurkilgo Udalaren egoitza elektronikoaren bidez. Informazio gehiagorako zizurkil.eus webgunea kontsultatu beharko da.

Zizurkilgo Udalak torturaren aurkako mozioa onartu zuen azkeneko osoko bilkuran, EH Bilduren eta EAJ-PNVren aldeko botoekin eta PSE-EEren kontrako botoarekin. Bertan, Mikel Egibar Mitxelena zizurkildarraren kasua aitortzeko eta tortura kasuak argitara ateratzeko beharra azpimarratu zuten. Era berean, tortura jasan duten zizurkildarrei elkartasuna eta babesa adierazten die mozioak eta biktimen egia, justizia eta erreparaziorako eskubidea aldarrikatzen du.