Tolosa Goierri

Elikagai bankuan laguntzeko pertsonak behar dira

Azken urteotan Elikagai Bankuko zerbitzua eskaini dute Ikaztegietan, pobrezia edo gizarte bazterketa egoeran dauden pertsonei elikagai laguntza emanez. Elikagaien banaketa bolondresei esker egiten da, hilean behin, gainontzeko herrietan bezala. Hala eta gutiz ere, azkenaldian bolondres falta nabaritu du zerbitzuak, eta horregatik Ikaztegietan elikagaien banaketa arriskuan dagoela adierazi du Udalak.

Gaur egun, udal langileak arduratzen dira janaria ekartzeaz Gipuzkoako Elokagaien Bankutik herrira, nahiz eta egitasmoa ez dagoen Udalaren eskumenen barruan. Elikagaien banaketa hilabete bakoitzeko lehenengo ostiraletaz egiten da, eta ordu bete inguru irauten du. Hortaz, herritarrak banaketa hauetan lagun-tzera animatzen ditu. Lagundu nahi dutenek Udaletxean izena eman dezakete.

Ikaztegietako Ostatuan sukaldari bat kontratatuko dute. Lanpostuan interesatuek Ostatuarekin edota Udalarekin jarri beharko dute harremanetan, 943 655 892 (Ostatua) edo 943 653 329 (Udala) telefonoetara deituta, edo udala@ikaztegieta.eus helbidera elektronikora idatzita.