Tolosa Goierri

Ekitaldi desberdinak antolatu dira Ostiral Mehea ospatzeko Ikaztegietan

Azken urteetan egin izan duen antzera, Pako Belea konpartsak Ostiral Meherako festa antolatu du Ikaztegietan Inauteriak ospatzeko. Horrela, jaia 17:00etan hasiko da, Alegiako eta Ikaztegietako erraldoi eta buruhandien irteerarekin plazatik. Kalejiraren ondoren, txokolatada egongo da 18:00etan bertara-tzen diren guztientzat.

Aldi berean, photocall eta mozorro lehiaketari hasiera emango zaio. Mozorro lehiaketako irabazleak epaimahaiak erabakiko ditu. Lau sari banatuko dira: 2 eta 16 urte bitarteko haur eta gazteen artean banaka eta taldekako mozorro onenak, eta helduen mailan, banaka zein taldekako mozorro hoberenak. Lehiaketan parte hartu nahi duten guztiek photocalletik pasa beharko dute derrigorrez.

Jarraian, 18:30etan Jundajo txarangaren kalejirak alaituko du giroa. Festari amaiera emateko herri afaria egingo da kiroldegian. Orduan emango da ezagu-tzera mozorro lehiaketako irabazlea nortzuk izan diren eta errifaren zozketa ere egingo da afarian.