Tolosa Goierri

Egun osoko Dantzari Txiki eguna izango da igandean Ormaiztegin

Dantzari Txiki Eguna egingo da Ormaiztegin igandean. Goruntz Dantza Taldeak antolatutako ekimena, bi urtez behin burutzen da, eta aurten berrikuntza nabarmen batekin iritsiko da: jardunaldia goiz eta arratsaldeko saioekin osatuko da, aspaldiko partez egun osoko festa eskainiz bertaratzen den orori.

Eguneko egitaraua eta parte hartuko duten dantza taldeak jada prest daude, eta informazioa herritarrei helarazteko kartel bat ere zabaldu dute antolatzaileek. Bertako zein inguruko herrietako bizilagun guztiak gonbidatu dituzte jaialdian parte hartzera eta dantza giroaz gozatzera.